Markmið brautarinnar er að veita nemendum undirstöðuþekkingu í rafiðnaði,
almennu bóklegu námi og sérgreinum.
Brautin er forsenda fyrir námssamningi í rafvirkjun, rafvélavirkjun og rafveituvirkjun
og veitir einnig aðgang að framhaldsdeildum rafiðna.
Námstími í skóla er 4 annir.

 Almennar greinar                                                                                                                    23 ein.

        Íslenska                                                     ÍSL 102 202                                                   4 ein.
        Erlend tungumál                                      ENS 102 DAN 102  + 4 ein.                        8 ein.
        Stærðfræði                                                STÆ 102 122                                                4 ein.
        Lífsleikni                                                    LKN 103/101 111 121                                 3 ein.
        Íþróttir                                                         ÍÞR 101 111 201 211                                  4 ein.

Sérgreinar                                                                                                                                57 ein.

        Rafeindatækni og mælingar                RTM 102 202 302                                          6 ein.
        Raflagnir                                                  RAL 102 202 303 403                                 10 ein.
        Rafmagnsfræði og mælingar              RAM 103 203 303 403                                12 ein.
        Skyndihjálp                                              SKY 101                                                           1 ein.
        Stýringar og rökrásir                              STR 102 203 302 402                                   9 ein.
        Tölvur og netkerfi                                    TNT 102 202 303 403                                 10 ein.
        Verktækni grunnnáms                           VGR 103 202 302 402                                  9 ein.

Samtals                                                                                                                                     80 ein.

Lokamarkmið grunnnáms

Meginmarkmið grunnnáms rafiðna er að veita almenna og faglega undirstöðumenntun undir sérnám í rafiðngreinum.

Að loknu grunnnámi rafiðna á nemandi að:

• þekkja störf og starfsumhverfi innan rafiðnaðarins og vita um námsleiðir að loknu grunnnámi rafiðna
• gera sér grein fyrir sögulegu og menningarlegu mikilvægi raforku og raforkumannvirkja og mikilvægi umhverfisverndar í atvinnugreininni
• kunna skil á helstu ákvæðum reglugerðar varðandi raforkuvirki
• kunna skil á öryggisráðstöfunum á vinnustað og mikilvægi heilsuverndar
• geta unnið í samræmi við gæðakröfur og staðla sem gilda í rafiðnaði og eftir verklagsreglum og gátlista
• geta notað helstu hand- og rafmagnsverkfæri í rafiðnaði í samræmi við viðteknar öryggiskröfur og þekkja almennar varúðarráðstafanir í umgengni við rafmagn
• þekkja helstu efni sem unnið er með í rafiðnaði
• geta lesið og skilið teikningar og verklýsingar af raflögnum og  rafeindarásum
• geta lagt raflagnastokka og rennur og sett raflagnir og endabúnað í þær
• geta lagt og tengt boðskiptalagnir og þekkja helstu tengi og samskiptastaðla
• þekkja notkun tölvutækni við hönnun, teikningu, hermun, áætlanagerð og kostnaðarútreikninga
• geta sett upp hugbúnað til að tengja tölvur saman á neti, við internetið og sett upp helstu internetforrit, s.s. póstforrit og vafra
• þekkja heiti og hugtök í rafmagnsfræði og geta reiknað út mismunandi rafmagnsrásir
• geta notað algengustu mælitæki við ástands- og bilanagreiningu á raflögnum og rafeindarásum
• þekkja virkni helstu gerða aflstýringa og rafmótora
• geta reiknað út og smíðað einfaldar rafeindarásir með virkum og óvirkum íhlutum
• þekkja virkni skynjara og tengingu þeirra við rafeindarásir
• þekkja helstu tæki sem notuð eru við miðlun
• geta stillt upp jöfnum og einfaldað rökrásir
• geta hannað og tengt segulliðastýringar og einfaldar loftstýringar
• geta forritað og tengt litlar stýrivélar og raðað saman einingum til að mynda iðnaðarrekla
• þekkja uppbyggingu tölvunnar og helstu einingar hennar, geta tengt jaðartæki og sett upp rekla fyrir þau
• geta sett upp stýrikerfi á tölvu og algengasta notendahugbúnað, s.s. ritvinnslu, töflureikni og þess háttar

Skólar sem kenna grunndeild rafiðna eru:

Fjölbrautaskólinn í Breiðholti